काठमाडौँ- आज सुनको मूल्य एक हजार आठ सय रुपैयाँले बढेर अहिलेसम्मकै उच्च भएको छ । नेपाल सुनचाँदी व्यवसायी महासङ्घका अनुसार सुनको मूल्य तोलाको एक लाख ४६ हजार सात सय रुपैयाँ कायम भएको छ ।
सुनको मूल्यले आज अहिलेसम्मकै उच्च रेकर्ड बनाएको हो । यसअघि गएको आइतबार सुन अहिलेसम्मकै उच्च तोलामा एक लाख ४५ हजार चार सय रुपैयाँ कायम भएर रेकर्ड बनाएको थियो ।
चाँदीको मूल्य पनि आज १५ रुपैयाँले बढेर तोलाको एक हजार नौ सय रुपैयाँमा कारोबार भइरहेको महासङ्घले जनाएको छ ।
