काठमाडौँ– नारायणगढ–मुग्लिन सडकखण्डअन्तर्गत चितवनको सत्रकिलोमा बस र इलेक्ट्रिक हायस ठोक्किँदा पाँच जनाको मृत्यु भएको छ।
शुक्रबार बिहान भएको दुर्घटनामा अन्य तीन जना घाइते भएको जिल्ला प्रहरी कार्यालय चितवनले जनाएको छ।
प्रहरीका अनुसार मुग्लिनबाट नारायणगढतर्फ जाँदै गरेको हायस र नारायणगढबाट मुग्लिनतर्फ आउँदै गरेको बस बिहान तीन बजे ठोक्किएका थिए। मृतकको सनाखत हुन नसकेको र घाइतेहरूको उपचार भइरहेको प्रहरीले जनाएको छ।
