अत्तरिया- कैलालीमा फेला परेको पुरुषको शव मोहन्यालका महेन्द्र कुमार विकको रहेको प्रहरीले बताएको छ । जानकी गाउँपालिका-५ लम्की-टीकापुर सडकमा मृत पाइएका उनी मोहन्याल गाउँपालिका-६ सोल्टाका महेन्द्र रहेको प्रहरीले बताएको हो ।
उनको सवारी साधनको ठक्करबाट बुधबार बिहान घटनास्थलमै मृत्यु भएको प्रदेश प्रहरी कार्यालय धनगढीले जनाएको छ । उनको कुन सवारी साधनको ठक्करबाट मृत्यु भएको हो भन्ने खुलेको छैन ।
प्रहरीले फरार गाडीसहित चालकको खोजी गरिरहेको र दुर्घटनाका सम्बन्धमा थप अनुसन्धान गरिरहेको बताएको छ ।
