अत्तरिया – डोटीको जोरायल गाउँपालिका वाड नं. ३ की टिकेश्वरी ओझालाई बचाउनका लागी आर्थिक सहयोग गरिएको छ । धनगढीको नवजिवन अस्पतालमा उपचाररत ओझाको उपचारका लागी जोरायल स्पोर्टस् क्लबले आर्थिक सहयोग गरेको हो ।
ओझाको उपचारका लागी क्लबका पदाधिकारीहरु मिलेर रु. ११ हजार ५० रुपैया आर्थिक सहयोग गरेको क्लबका अध्यक्ष दिपजंग मल्लले बताए । उनले सेवा नै धर्म हो भन्ने मान्यतालाई आत्मसाथ गर्दै उपचारमा सघाउ पु¥याउने उद्देश्यले आर्थिक सहयोग गरिएको बताए ।
क्लबका अध्यक्ष मल्लले ओझाको उपचारमा सहयोग गर्न सबैलाई आग्रह पनि गरेका छन । उनका श्रीमान हेमराज ओझा कृषिको काम गर्दै आएका छन । श्रीमतीको उपचारका लागी आर्थिक अभाव हुदाँ उनले सबैसँग सहयोगका लागी अपिल गर्दै आईरहेका छन ।
