अत्तरिया- डडेल्धुरामा जिप दुर्घटना भएको छ । जिल्लाको परशुराम नगरपालिका-९ नौलामा लु१ज ४५७९ नम्बरको बोलेरो जिप दुर्घटना भएको हो ।
दुर्घटनामा दुई जना महिलाको मृत्यु भएको प्रहरीले बताएको छ । जिपमा १२ जना सवार रहेकामा ९ जना घाइते भएका र उनीहरुको जोगबुढा अस्पताल डडेल्धुरामा उपचार भइरहेको जिल्ला प्रहरी कार्यालय डडेल्धुराले बताएको छ ।
कञ्चनपुरको दैजीबाट डडेल्धुराको जोगबुढा गइरहेको उक्त बोलेरो जिप सडकबाट १०० मिटर तल खसेको प्रहरीले बताएको छ । डडेल्धुरा प्रहरीका अनुसार चालक भने हाम फालेर जोगिएका छन् । मृतक र घाइतेहरुको परिचय खुलिसकेको छैन ।
