बझाङ्गको सदरमुकाम चैनपुरमा प्रभु बैंकको शाखा बिस्तार

रुपक खड्का/बझाङ – प्रभु बैंक लिमिटेडले आफ्नो शाखा सञ्जाल विस्तार गर्ने क्रममा बझाङमा शाखा विस्तार गरेको छ । बैंकले जेठ ३२ गतेदेखि जयपृथ्वी नगरपालिका – १० बझाङस्थित चैनपुरमा आफ्नो ३०४औं शाखा सञ्चालनमा ल्याएको हो ।

maya metro hospital

प्रभु बैंकले आफ्नो बैंकको व्यावसायिक सञ्जाल विस्तार गर्दै विभिन्न ठाउँहरुमा शाखा कार्यालय सञ्चालनमा ल्याएर सेवाग्राहीलाई घर आँगनसम्म सरल र सहज रुपमा बैंकिङ सेवा विस्तार गरेको जनाएको छ । प्रभु बैंकको यो अभियानले देशभरिनै बैंकिङ पहुँचमा वृद्धि भएको मात्र नभई समग्र देशको आर्थिक विकासमा सकारात्मक टेवा पुगेको बैंकले उल्लेख गरेको छ ।

बैंकको चैनपुर शाखामार्फत स्थानीय बासिन्दा, सर्वसाधारणहरु, व्यवसायिक फर्म, कम्पनी तथा संघ संस्थाहरुले गुणस्तरीय सेवा उपभोग गरी लाभान्वित हुने र यस क्षेत्रको समग्र आर्थिक उन्नतीमा महत्वपूर्ण भूमिका निर्वाह गर्नेछ भन्ने बैंकले विश्वास लिएको छ । प्रभु बैंकले नेपालभर रहेका ३०४ शाखा कार्यालयहरु, २८६ एटीएम साथै ७० एक्सटेन्सन काउन्टरमार्फत सेवा दिईरहेको छ ।

lotus add
प्रतिक्रिया दिनुहोस

Your email address will not be published.