सन्तोष पन्त/ कञ्चनपुर – कञ्चनपुरको दक्षिणी क्षेत्रमा संचालित दुई सुगर मिलमा भारतबाट उखु चोरीपैठारी गरि नेपाल भित्र्याइदै छ । जिल्लाको दक्षिणी क्षेत्र बेलौरी नगरपालिका –१० शिवनगरमा संचालित महाकाली सुगर र पुर्नवास नगरपालिका – २ मा संचालित भागेश्वर सुगर मिलमा भारतबाट लुकिछिपी उखु आइरहेको हो ।
दक्षिणी क्षेत्र बेलडाडी बेलौरी र पुर्नवासका सिमावर्ती क्षेत्रबाट बिचौलियाले व्यापारी हरुले भारतबाट उखु मिलमा ल्याइ तौल गराइरहेको पाइएको किसान हक हित समितिका अध्यक्ष हरिचन्द ठकुरीले बताए ।
‘बिचौलियाहरुलाई उखु भारतबाट उखु सप्लाइ गराउन बिचौलियालाइ उखु मिलले पर्ची दिदै छ’ अध्यक्ष चन्दले भने ‘मिलले बिचौलियालाइ पर्ची दिएर नेपाली किसानले पाउने सरकारी अनुदान रकम भारतीयलाई उपलब्ध गराउदै छ ।’
अध्यक्ष चन्दका अनुसार पुर्नवासको खड्डा कङ्कड ,बेलौरी नगरपालिका १,२,६ र १० नम्बर वडा र बेलडाँडि गाउँपालिका–५ भएर भारतबाट उखु भित्रिरहेको छ ।
दक्षिणी क्षेत्रमा १ सशस्त्र गुल्म सहित १० सशस्त्रका बिओपी पोस्ट हुदा समेत ट्राली लिएर उखु तस्करी भएकोमा स्थानीय किसानहरु मिलोमतो मा भएको आशंका गरिरहेका छ्न ।
भारतबाट बिचौलियाहरुले भारतीय नम्बरका ट्याक्टरमा नेपाली नम्बर प्लेट टासी उखु ल्याइरहेका स्थानीय किसानको आरोप छ ।
