कञ्चनपुर- कञ्चनपुरमा लागुऔषधसहित दुई युवक पक्राउ परेका छन् । जिल्लाको भीमदत्त नगरपालिका-४ फ्लोरिडा स्कुल नजिकबाट भीमदत्त-६ वनगाँउका २८ वर्षीय विनोद भुजेलसहित दुई जना पक्राउ परेका हुन् ।
लागुऔषध नियन्त्रण ब्यूरो शाखा कार्यालय महेन्द्रनगर र जिल्ला प्रहरी कार्यालय कञ्चनपुरबाट खटिएको संयुक्त प्रहरी टोलीले दुबै जनालाई ०.०९ ग्राम लागुऔषधसहित मंगलबार साँझ पक्राउ गरेको बताइएको छ ।
यस सम्बन्धमा प्रहरीले थप अनुसन्धान गरिरहेको जनाएको छ ।
