अत्तरिया – नेपाली कांग्रेस गोदावरी नगर समितिका सभापति बिर बहादुर चोखालले स्थानीय तहमा पार्टीको हौसियत थाहा पाउनको लागि भएपनि गठबन्धन गर्न नहुने बताएका छन ।उनले स्थानीय तहमा पार्टीको अवस्था कहाँ छ भन्ने थाहा पाउनको लागि गठबन्धन गर्न नहुने बताएका हुन ।
‘नगरमा गठबन्धन गर्ने हाम्रो इच्छ्या नै होइन् । नगर भनेको पार्टीको क्षमता जाँच गर्ने ठाउँ हो’ उनले भने ‘गठबन्धन गरे गोदावरीमा नेपाली कांग्रेसका भोट कति भनेर कसरी थाहा हुन्छ । नेपाली कांग्रेसको हौसियत के ? भनेर पत्ता लगाउन पनि स्थानीय तहमा गठबन्धन गरिनु हुदैन ।’
उनले २०७४ सालको स्थानीय चुनावमा गठबन्धन नभएकाले पार्टीहरु कुन अवस्थामा थिए भन्ने कुरा थाहा पाउन सजिलो भएको बताए । उनले सकेसम्म स्थानीय तहमा गठबन्धन गर्न नहुने बताए ।
‘माथिबाट गठबन्धन गर्ने निर्देशन आइहाले हामीले त्यो मानै पर्छ होला’ उनले भने ‘गठबन्धन भइहाले पनि गोदावरीको मेयरमा हामीले नै टिकट पाउने प्रसस्त आधार छ । हाम्रो जित पनि सुनिश्चित छ ।’ उनले गोदावरीको स्थानीय तहको चुनावमा कांग्रेस एकढिक्का भएर चुनाव लड्ने बताए ।
गोदावरी नगरपालिका ६ का वडा अध्यक्ष समेत रहेका चोखालले बैसाख ३० गते हुने स्थानीय चुनावमा पार्टीभित्र गोदावरी नगरको मेयरमा आफ्नो दाबी पेश गरेका छन ।
सम्बन्धित समाचार वडा अध्यक्ष चोखालद्धारा कांग्रेसबाट गोदावरीको मेयरमा दाबी
