अत्तरिया – कैलालीको अत्तरियामा अलपत्र परेका एक पुरुषको उद्धार गरिएको छ । गोदावरी नगरपालिका – २ मा तेघरीमा अलपत्र परेका अछाम मंगलसेन घर बताउने अन्दाजी ४८ बर्षका मिन बहादुर बिष्टको उद्धार गरिएको हो ।
आईतबार बिहानै देखि सो क्षेत्रमा हिडिरहेका ति पुरुषलाई साँझ स्थानिय युवाहरुको सहयोगमा ईलाका प्रहरी कार्यालय मालाखेतीले उद्धार गरी अछाम पठाएको छ ।
इलाका प्रहरी कार्यालय मालाखेतिका डिएसपी नवराज सापकोटाले औषधि उपचार गर्न आएको बताउने ति पुरुष पैसा सकिएपछि अत्तरियामा अलपत्र परेको बुझिएकाले अछामको गाडीमा आईतबार साँझ नै पठाइएको बताए ।
आईतबार साँझको समयमा अलपत्र देखेपछि ति पुरुषको उद्धारका लागि थ्रिडिभिएलका युवाहरुले प्रहरीलाई खबर गरेका थिए । थ्रिडिभिएलका अध्यक्ष दिपक ओझाका अनुसार ति पुरुष आफ्नो दाई संगै अछामबाट धनगढी आएका भएपनि दाइ संग छुट्टिएपछि उनी अलपत्र परेका थिए ।
