सुदूरपश्चिममा १ जना कोरोना संक्रमित थपिदा २९ निको भए

अत्तरिया – सुदूरपश्चिम प्रदेशमा आइतबार १ कोरोना संक्रमित थपिएका छन । पछिल्लो २४ घण्टामा एन्टीजेन बिधिबाट ७ सय ५७ नमूनाको कोरोना परिक्षण गर्दा कसैमा पनि कोरोना संक्रमण देखिएन भने १ नमूनाको पीसीआर बिधिबाट कोरोना परिक्षण गर्दा १ जनामा संक्रमण पुष्टि भएको हो ।

यो संगै प्रदेशमा कोरोना संक्रमितको संख्या ४५ हजार ९ सय ६३ पुगेको छ । स्वास्थ्य निर्देशनालय डोटीका अनुसार पछिल्लो २४ घण्टामा २९ कोरोना संक्रमित निको भएका छन ।

यो संगै प्रदेशमा कोरोना जित्नेको संख्या ३६ हजार ४ सय ६५ पुगेको छ । निर्देशनालयका अनुसार पछिल्लो २४ घण्टामा कोरोनाका कारण कसैको पनि ज्यान गएको छैन । हाल प्रदेशमा कोरोनाका कारण मृत्यु हुनेको संख्या ५ सय ८० रहेको छ ।