अत्तरिया – प्रहरीलाई छलेर धनगढीमा जुवा खालबाट फरार भएका ५ जना पक्राउ परेका छन । प्रहरीले शुक्रबार पक्राउ परेका गोदावरी नगरपालिकाका २ सहित ५ जनालाई सार्वजनिक गरेको छ ।
प्रहरीले जिल्ला प्रहरी कार्यालय कैलालीमा पत्रकार सम्मेलनको आयोजना गर्दै जुवा खेलाउने होटल सञ्चालक सञ्चालक सुरेन्द्र ऐरी, जुवामा लगानी गर्ने गोदावरी नगरपालिका – २ बस्ने महेन्द्र भट्टराई, सोही ठाउँका पदम साउँद, धनगढी २ बस्ने पवन भाट, यस्तै मिलन चोक बस्ने युवराज भण्डारीलाई सार्वजनिक गरेको हो ।
पक्राउ परेका उनीहरुमाथि जुवा शिर्षकमा मुद्दा दर्ता गरिएको जिल्ला प्रहरी कार्यालय कैलालीका प्रमुख प्रहरी उपरिक्षक विश्व अधिकारीले जानकारी दिएका छन ।
गत सोमबार राति धनगढी–३ मिलनचोकस्थित एएफसी होटलबाट प्रहरीले छापा मार्दा १० जुवाडे फरार भएका थिए । प्रहरीले सो ठाउँबाट ८५ हजार बरामद गरिएको थियो ।
सो घटना पछि प्रहरीलाई पैसा लिएर जुवाडे भगाएको आरोप समेत लागेको थियो । प्रहरीले बाँकी फरार ५ जनाको खोजी कार्य जारी रहेको जनाएको छ ।
