धनगढी – सरकारले वृद्धि गरेको लामो दूरीमा चल्ने सार्वजनिक यातायातको भाडादर सार्वजनिक गरेको छ । पेट्रोलियम पदार्थ र गाडीका पार्टपूर्जाको मूल्यवृद्धिलाई आधार बनाएर सरकारले २० देखि २८ प्रतिशतसम्म भाडा बढाएको छ । सार्वजनिक भएको सूचीअनुसार काठमाडौं–अत्तरीया–मार्तडी रुटमा सबैभन्दा धेरै ५७६ रुपैयाँ भाडा बढेको छ । यसअघि २ हजार १७ रुपैयाँ रहेको यस रुटको भाडा बढेर २ हजार ५ सय ८२ पुगेको हो ।
यस्तै काठमाण्डौं – धनगढी – साफेबगरको भाडा पनि १ हजार ८ सय ७३ बाट बढेर २ हजार ३ सय ५० पुगेको छ ।काठमाण्डौं महेन्द्रनगरको भाडा १ हजार ३ सय ३२ बाट बढेर १ हजार ६ सय ७१ पुगेको छ ।
यातायात व्यवस्था विभागले बनाएको कार्यदलले बनाएको प्रतिवेदनअनुसार गत असार २७ गते तत्कालिन भौतिक पूर्वाधार तथा यातायातमन्त्री बसन्त नेम्वाङको मन्त्रीस्तरीय निर्णयबाट अन्तर प्रदेश चल्ने सार्वजनिक यातायातको भाडादर कायम गरिएको थियो ।
यस्तो छ देशभर बढेको भाडादर
