अत्तरिया – लामो समयदेखि अस्तव्यस्त बनेको अत्तरिया चोक मर्मतको काम हाल जारी रहेको छ । कालोपत्रे फुटेर हिलाम्मे र धुलाम्मे हुने चोक मर्मतको काम अहिले पनि जारी रहेको छ ।
चोकमा अहिले सब बेस र बेस राख्ने काम सकिएको छ । मोहना अत्तरिया ६ लेन सडक निर्माण पछि गहिरो बनेको अत्तरिया चोकमा सब बेस र बेसको काम गरिएपछि चोकको उचाई बढेको छ । जसले गर्दा अहिले चोकमा पानी जम्मा हुने समस्या टरेको छ ।
चालु आर्थिक बर्ष भित्रमै काम सक्ने भनिएपनि कालोपत्रेको काम भने अझै सुरु हुन सकेको छैन । जसले गर्दा अझै पनि चोक हिलाम्मे र धुलाम्मे हुने गरेको छ ।
उता सडक डिभिजन कार्यालय महेन्द्रनगरका सूचना अधिकारी इन्जिनियर लक्ष्मणदत्त जोशीले चोक मर्मतको काम चालु आर्थिक बर्ष भित्रमा नै सकिने दाबी गरे । उनले अत्तरिया चोकमा असार २३ गते पहिलो लेयरको कालोपत्रे गरिने बताए ।
‘दुई लेयरमा कालोपत्रेको काम हुन्छ । ६ लेन सडक जस्तै पहिले डिबिएम गरिनेछ । त्यसपछि माथि ५ सेन्टिमिटरको असफाल्ट गरिने छ’ उनले भने ‘पुरै कालोपत्रे १० सेन्टिमिटरको हुनेछ ।’ उनले डिबिएमको काम एक दिनमै सकिने बताए ।
मौसमले साथ दिएमा कालोपत्रेको सम्पूर्ण काम यसै आर्थिक बर्ष भित्र सकिने इन्जिनियर जोशीले बताए ।
चोक मर्मतका लागि भुवन निर्माण सेवा प्राली धनगढीले ९० लाखमा ठेक्का सम्झौता गरेको छ । चोकमा कालोपत्रे गरिएपनि चोकको नालीको काम भने आगामी आर्थिक वर्षमा गरिने सडक डिभिजन कार्यालय महेन्द्रनगरले जनाएको छ ।
अत्तरिया चोक मर्मत संग सम्बन्धित समाचार
नाली नबनाई अत्तरिया चोकमा कालोपत्रे गर्ने तयारी
बैसाख देखि अत्तरिया चोक मर्मतको काम सुरु गरिने
सुरु भयो अत्तरिया चोक मर्मतको काम
