अछाम – अछामका कारागारको मूल गेटबाट लागू औषध सहित एक जना पक्राउ परेका छन् । मंगलसेन नगरपालिका – ५ मंगलसेन स्थित कारागार सुरक्षा गार्ड अछामको मूल गेटबाट १ ग्राम ४२ मिलिग्राम लागू औषध खैरो हेरोइन सहित सोही नगरपालिका ३ का२८ वर्षीय मोहन बोगटी पक्राउ परेका हुन ।
बुधवार कारागार सुरक्षा गार्ड अछामबाट खटिएको प्रहरी टोलीले शङ्का लागि चेकजाँच गर्दा कैदी बन्दीलाई दिनका लागि प्लास्टिक भित्र मुसुरो दालसँग लुकाई राखेको अवस्थामा उक्त पदार्थ फेला परेको प्रहरीले जनाएको छ ।
