धनगढी – सुदूरपश्चिममा थप चार जनामा कोरोना सङ्क्रमण पुष्टि भएको छ ।शनिबार कैलालीको गौरीफन्टा नाका र बैतडीको झुलाघाट नाका हुँदै भारतबाट नेपाल भित्रिएका चार जनामा कोभिड सङ्क्रमण पुष्टि भएको हो ।
प्रादेशिक स्वास्थ्य आपतकालीन कार्य सञ्चालन केन्द्रका अनुसार गौरीफन्टामा ३ र झुलाघाट सीमानाका १ जनामा कोभिड संक्रमण पुष्टि भएको हो ।
झुलाघाट सीमानाका १ जना र गौरीफन्टा सीमा नाकामा २७ जनाको एन्टिजेन परीक्षण गरिएको जनाइएको छ । सुदूरपश्चिममा कोभिड संकमण हुनेको संख्या १३ पुगेको छ ।
शुक्रबार गौरीफन्टा हुँदै नेपाल फर्किएका पाँच जना,बिहीबार एकजना र बुधबार तीन जनामा कोभिड सङ्क्रमण पुष्टि भएको थियो ।
