काठमाडौँ- सुनको मूल्य आज पनि तोलामा २ हजार ६ सय रुपैयाँले घटेको छ । आज सुन एक लाख ४८ हजार सात सय रुपैयाँमा कारोबार भइरहेको नेपाल सुनचाँदी व्यवसायी महासङ्घले जनाएको छ ।
हिजो सुन एकैदिन १५ हजार ९ सय रुपैयाँले घटेको थियो । केही दिनअघि निरन्तर बढेको सुनको मूल्य हिजो भन्सार महशुल घटेसँगै घट्न थालेको छ । आज चाँदीको मूल्य पनि २५ रुपैयाँले घटेर तोलाको १ हजार ८ सय २० रुपैयाँ कायम भएको महासङ्घले जनाएको छ ।