आज राष्ट्रिय पुस्तकालय दिवस मनाइँदैछ। पुस्तकालयका क्षेत्रमा भएका गतिविधि एवं पुस्तकालयको आवश्यकताबारे जानकारी गराउने उद्देश्यका साथ नेपालमा २०६५ भदौ १५ गतेदेखि औपचारिक रुपमा दिवस मनाउन थालिएको हो।
जनतालाई शिक्षित र राष्ट्रलाई समृद्ध बनाउने उद्देश्यले नेपालमा पुस्तकालय दिवस मनाउन थालिएको हो । पुस्तकालय दिवस ज्ञानको ज्योति छर्ने दिनको रुपमा लिइन्छ । यसलाई केवल नारामा सीमित नगरी पाठक, विद्यार्थी, शिक्षक, लेखकलगायत आम नागरिकहरूले आदरपूर्वक सम्झने दिनका रूपमा स्थापित गराउन सरोकारवालाले जोड दिँदै आएका छन् ।
नेपालमा औपचारिक रूपमा १८६९ भदौ १५ गते पुस्तकालय सेवा प्रारम्भ भएको दिनलाई ऐतिहासिक उपलब्धिको रूपमा स्मरण गर्दै पुस्तकालय दिवस मनाइन्छ । नेपालमा संस्थागत रूपमा पुस्तकालयस्थापना भएको २०० वर्षभन्दा लामो इतिहास पूरा भएको छ ।
राष्ट्रिय पुस्तकालय दिवस अत्तरियामा रहेको प्रतिभा सामुदायिक पुस्तकालयले पनि मनाएको छ । दिवसको अवसरमा कार्यसमितिको उपस्थितिमा पुस्तकालयया पुजाआजा गरिएको पुस्तकालयका व्यवस्थापक लेख राज जोशीले बताए । उनले कोरोना महामारीका कारण औपचारीक कार्यक्रम गर्न नसकिएको बताए ।
