अत्तरिया – कैलालीको घाेडाघाेडी नगरपालिका–७ हरिनगरबाट प्रतिबन्धित पटाकासहित एक जना पक्राउ परेका छन् ।
जिल्ला प्रहरी कार्यालय कैलालीका अनुसार अस्थायी प्रहरी पोस्ट हरिनगरबाट खटिएको प्रहरी टोलीले स्थानीय ३५ वर्षीय गगन विष्टलाई पक्राउ गरेको हो ।
विष्टले सञ्चालन गरेको न्यू दुर्गा किराना पसलमा शंका लागेर चेकजाँच गर्दा पसलको गोदाममा लुकाइछिपाई राखेको अवस्थामा ४८ प्याकेट पटाका बरामद गरिएको जिल्ला प्रहरी कार्यालय कैलालीका सह प्रवक्ता कैलाश सिंह विष्टले बताएका छन ।
पटाकासहित विष्टलाई नियन्त्रणमा लिएर कैलाली जिल्ला अदालतबाट म्याद थप गरी थप अनुसन्धान भइरहेको उनले बताए ।
