कञ्चनपुर – कञ्चनपुरको भीमदत्त नगरपालिका–१८ भगतपुरबाट जुवातास खेलिरहेको अवस्थामा ११ जना पक्राउ परेका छन्।
मंगलबार दिउँसो जुवातास खेलिरहेको भन्ने गोप्य सूचनाका आधारमा जिल्ला प्रहरी कार्यालय कञ्चनपुरबाट खटिएको प्रहरी टोलीले ४३ वर्षीय कृष्णप्रसाद चौधरीको घर आँगनमा छापा मारेर उनी सहित ११ जनालाई पक्राउ गरेको हो।
प्रहरीले घटनास्थलबाट नगद ३३ हजार ८० रुपैयाँ र एक गड्डी तास बरामद गरेको जनाएको छ।
पक्राउ परेका व्यक्तिहरूमाथि आवश्यक कानुनी प्रक्रिया अघि बढाइएको तथा घटनाबारे थप अनुसन्धान भइरहेको जिल्ला प्रहरी कार्यालय कञ्चनपुरले जनाएको छ।
