काठमाडौं – श्रेयस अय्यर भारतको नयाँ टी–२०आई कप्तान बनेका छन् । शनिबार बसेको छनोट समितिको बैठकले श्रेयसलाई नयाँ कप्तान छनाेट गरेको हो ।
श्रेयसले आयरल्यान्ड र इंग्ल्यान्डविरुद्धको सिरिज तथा एसियस गेम्समा भारतको कप्तानी गर्नेछन् । यसअघिका कप्तान सूर्यकुमार यादव यी ३ सिरिजका लागि टोलीमै परेका छैनन् ।
वैभव सूर्यवंशी सिनियर टोलीमा
१५ वर्षीय ब्याटर वैभव सूर्यवंशी पहिलोपटक भारतको सिनियर टोलीमा परेका छन् । आयरल्यान्ड र इंग्ल्यान्डविरुको टी-२०आई शृङ्खला तथा एसियन गेम्सका लागि घोषित टोलीमा वैभव परेका हुन् । आयरल्यान्ड र इंग्ल्यान्डसँगको शृङ्खला जुन-जुलाईमा हुँदैछ भने एसियन गेम्स सेप्टम्बरमा जापानमा हुँदैछ ।
टी-२०आई शृङ्खलाका लागि भारतको टोलीः श्रेयस अय्यर (कप्तान), तिलक वर्मा (उपकप्तान), अभिषेक शर्मा, सन्जु सामसन, इशान किशन, शिवम दुबे, नितिश कुमार रेड्डी, अक्षर पटेल, वासिङ्टन सुन्दर, वरुण चक्रवर्ती, रवि बिश्नोई, मोहम्मद सिराज, अर्शदीप सिंह, हर्षित राणा, प्रिन्स यादव र वैभव सूर्यवंशी ।
एसियन गेम्सका लागि भारतीय टोली : श्रेयस अय्यर (कप्तान), तिलक वर्मा (उपकप्तान), रवि बिश्नोई, अभिषेक शर्मा, नितिश कुमार रेड्डी, जसप्रित बुमराह, अक्षर पटेल, हर्षित राना, इशान किशन, अर्शदीप सिंह, शिवम दुबे, वरुण चक्रवर्ती र वैभव सूर्यवंशी
