खाेज्नुहाेस

रविले सभापति पद छोड्नुपर्छ : रास्वपा सुदूरपश्चिम

Image

धनगढी – राष्ट्रिय स्वतन्त्र पार्टी (रास्वपा) सभापति रवि लामिछानेलाई पदीय भूमिकाबाट बाहिरिनुपर्ने सुझाव सुदूरपश्चिम समितिले दिएको छ । सभापति रविले उदारता देखाउँदै पार्टी जिम्मेवारीबाट अलग हुनुपर्ने सुझाव दिइएको छ ।

navjiwan hospital

सुदूरपश्चिम समितिको बैठकमा आएका धारणाहरु समेटेर केन्द्रलाई पठाइएको पत्रमा भनिएको छ, ‘पार्टी सभापति स्वयंले उदारता प्रदान गर्दै न्यायिक निकायबाट न्याय नपाउन्जेल सम्मका लागि पार्टी जिम्मेवारीबाट अलग भई वैकल्पिक धार, समूह र व्यक्तिलाई यो प्लाटफर्ममा अटाउन आह्वान गरी सर्वोच्चता कायम गर्नुपर्ने धारणासहित न्यायिक निकायबाट सफाई पाए पश्चात् निर्विकल्प सभापति देख्ने विश्वास व्यक्त गर्दछौं ।’

attariya hospital

सभापति रवि कारागारबाट बाहिरिँदा ४० लाख हस्ताक्षरकर्तालाई ठेस पुगेको ठहर प्रदेश समितिले गरेको छ । जेनजी विद्रोहको दोस्रो दिन (भदौ २४) मा सभापति रवि नख्खु कारागारबाट सुरक्षाको कारण देखाई बाहिरिएका थिए ।

सभापति रवि बाहिँरिदा उनको पक्षमा हस्ताक्षर गर्ने ४० लाख समर्थकलाई ठेस पुगेको सुदूरपश्चिम समितिको निष्कर्ष छ । सभापति रवि माथि राज्यले प्रतिशोध साँधेको भन्दै रास्वपाले असार ७ बाट देश र विदेशमा हस्ताक्षर संकलन गरेको थियो । हस्ताक्षरको संख्या ४० लाख पुगेको रास्वपाका नेताहरूले दाबी गर्दै आएका छन् ।