धनगढी- धनगढीमा जग्गा प्लटिङ कार्यविधिविरुद्ध मुद्दा दायर गरिएको छ । जग्गाको प्लटिङ गर्दा सडकको चौडाई कम्तिमा १० मिटर अनिवार्य हुने कार्यविधि विरुद्ध मुद्दा दायर गरिएको हो ।
धनगढी उपमहानगरपालिका तथा नगरप्रमुखलाई विपक्षी बनाएर जग्गा कारोबारीले मुद्दा दायर गरेका हुन् । प्रतिवादी नगर प्रमुखलाई पौष ११ गते पेशी समेत तोकिएको छ ।
जग्ग्गा प्लटिङ सम्बन्धी कार्यविधिको प्रस्तावनामा ‘जग्गा खण्डीकरण, जग्गा विकास तथा प्लटिङलाई अनिवार्य व्यवस्थित गर्नुपर्ने भई धनगढी उपमहानगरपालिकाको सहरी योजना तथा भवन निर्माण मापदण्ड २०८०, बस्ती विकास, सहरी योजना तथा भवन निर्माण सम्बन्धी आधारभूत निर्माण मापदण्ड, २०७२ र स्थानीय सरकार सञ्चालन ऐन, २०७४ को दफा ११ को उपदफा ५ को खण्ड ९क० लाई समेत आधार बनाई धनगढी उपमहानगरपालिकाले ‘धनगढी उपमहानगरपालिका जग्गा प्लटिङ सम्बन्धी कार्यविधि, २०८० बनाई लागु गरिएको छ’, भन्ने उल्लेख छ ।
तर जग्गा कारोबारीहरुले कार्यविधि गलत भएको र यसले धनगढीको विकास अवरुद्ध हुने भन्दै मुद्दा दायर गरेका छन् ।
