अत्तरिया- हाल नेपालमा पश्चिमी वायुको आंशिक प्रभाव रहेको छ । सुदूरपश्चिम प्रदेशसहित कोशी, मधेश र कर्णालीमा सामान्य बदली तथा बाँकी भू–भागमा आंशिक बदली देखि मौसम सामान्यतया सफा रहेको छ ।
आज सुदूरपश्चिमका पहाडी भू–भागको एक/दुई स्थानमा हल्का वर्षाको सम्भावना छ भने प्रदेशको उच्च पहाडी तथा हिमाली भू–भागको एक/दुई स्थानमा हल्का हिमपातको सम्भावना रहेको छ ।
सुदूरपश्चिमसँगै कर्णाली प्रदेशको पनि पहाडी भू–भागको एक/दुई स्थानमा हल्का वर्षा र कोशी, गण्डकी, कर्णालीका उच्च पहाडी तथा हिमाली भू–भागको केही स्थानमा हल्का हिमपातको सम्भावना रहेको छ ।
