काठमाडौं – सन् १९९९ मा रिलिज भएको फिल्म ‘द ब्लेयर विच प्रोजेक्ट’ डेनियल मिरिक र एडुआर्डो सान्चेज द्वारा सह–निर्देशित अमेरिकी अलौकिक डरावनी फिल्म हो ।
यो फिल्म असाधारण गतिविधिमा बनेको सबैभन्दा सफल चलचित्र मध्ये एक हो । यो फिल्म तीन युवाको कथा हो, जो एक प्रोजेक्टको लागि गएर सनसनीपूर्ण रूपमा बेपत्ता हुन्छन् ।
एक वर्षपछि मात्रै यी विद्यार्थीहरूको क्यामेरा फेला परेपछि उनीहरूलाई के भयो भन्ने फुटेजले खुलासा गर्छ । फिल्ममा हेदर डोनाहु, माइकल विलियम्स र जोशुआ लियोनार्ड मुख्य भूमिकामा थिए ।
यो फिल्म मात्र ४९ लाखमा बनेको थियो । तर फिल्मले विश्वभर २० अर्ब रुपैयाँ भन्दा बढी कमाइ गर्यो । यो फिल्म ओटीटी प्लेटफर्म एमेजन प्राइममा उपलब्ध छ ।
