गोदावरीमा ३ बर्षसम्म १ किलोमिटर सडक कालोपत्रे भएन्, ठेकेदारलाई कालोसूचीमा राख्ने तयारी

अत्तरिया – चार महिनामा १ किलोमिटर सडक कालोपत्रे सक्ने गरी सम्झौता गरेको ठेकेदारले ३ बर्षसम्म पनि काम नसकेकोे भनेर सुन्दा अचम्म लाग्न सक्छ । ठूला योजनामा ठेकेदारले लापरवाही गरेर बर्षौसम्म काम लम्ब्याउने गरेका भएपनि करिब ४८ लाखमा १ किलोमिटर मात्रै शाखा सडक कालोपत्रे गर्ने काममा पनि ३ बर्ष लागेको भने विरलै देखिन्छ । तर, उक्त नियतीको सिकार कैलालीको गोदावरी नगरपालिका – ४ बसन्तपुरका स्थानीय भएका छन । जसका कारण ३ बर्ष अगाडी नै चिल्लो सडकमा हिड्ने सपना बोकेका स्थानीय अहिले धुलो खान बाध्य छन् ।

maya metro hospital

गोदावरी नगरपालिकाले आर्थीक बर्ष २०७६/०७७ मा राजमार्ग देखि शान्तीटोल जाने १ किलोमिटर सडक कालोपत्रे गर्ने योजना ल्याएको थियो । जसको ठेक्का कञ्चनपुरको आकाश पवन कन्ट्रक्सनले पाएको थियो । उक्त कन्ट्रक्सन कम्पनी संग नगरपालिकाले २०७६ माघ १० गते सम्झौता गरेको थियो । ४ महिनामा सक्ने गरी ठेक्का भएपनि ठेकेदारको लापरवाहीले काम तोकिएको समयमा हुन सकेन् । त्यसपछि कोरोनाले काम लम्बियो । नगरपालिकाले ८९ लाखको स्टमेट बनाएको भएपनि कन्ट्रक्सनले ४७ लाख ९५ हजारमै काम सक्ने गरी सम्झौता गरेका थिए ।

joshi vada pasal 2

स्थानीय पुष्पराज भट्टले सुरुवाती चरण र ६ महिना अघि गरेर ठेकेदारले २ पटक वेस हालेर रोलिङ गरेको भएपनि कालोपत्रे नगरेको बताए । उनले सडक कालोपत्रे गराइदिन पटक–पटक नगरपालिकामा अनुरोध गरेको भएपनि काम नभएको बताए । ‘नगरपालिकाले ठेकेदारलाई कालो सूचिमा हाल्छौ भन्छ । ठेकेदारलाई कालोसूचिमा हालेर नयाँ ठेक्का गर्नुपर्ने हो’ उनले भने ‘ठेकेदारलाई फोन गरे उठाउँदैन् । हामीले सघर्ष समिति बनाएर दवाव दिएपनि काम भएन् ।’

raunak fals and silling

स्थानीय विनोद मल्लले कोरोना अघि नै सकिनु पर्ने सडक कोरोना पछि पनि काम नगर्दा जस्ताको त्यस्तै रहेको बताए । ‘हामीले नगरपालिकाम पनि पटक–पटक किन काम भएन भनेर सोधिखोजि गरेका हौ’ उनले भने ‘नगरपालिकाले ठेकेदारलाई पनि पत्र काटेको थियो । त्यसपछि पनि किन ठेकेदार आएनन् हामीले बुझ्न सकेका छैनौ ।’

सडक नबन्दा अहिले स्थानीयले धुलो खानुपर्ने बाध्यता रहेको छ । ठेकेदार नै वदमास भएका कारण समयमा काम नभएको स्थानीयको गुनासो छ । ‘यो ठेकेदार धेरै विलोमा टेन्टर आफ्नोमा पार्ने र त्यसपछि काम नगरी कमिसन राखेर अरुलाई पेटि ठेक्कामा काम गराउने रहेछ’ नाम नबताउने सर्तमा एक स्थानीयले भने ‘यो ठेकेदार संग कुनै पनि साधन श्रोत छैन् । यो ठेक्कलाई पनि उसले अरुलाई बेच्न खोजेको थियो । तर, निकै कम रकम भएकाले कसैले काम गर्न नमान्दा यो लथालिङ्ग रह्यो ।’ उनले कामै नगर्ने ठेकेदार पाएर आफुहरुले दुःख पाएको बताए ।

कालोसूचीमा राख्ने तयारी

गोदावरी नगरपालकाले भने ठेकेदारलाई कालोसूचिमा राख्ने तयारी भएको जनाएको छ । नगरपालिकाका इन्जिनियर लोकेन्द्र खड्काले आशिष खत्रीले संचालन गरेको आकाश पवन कन्ट्रक्सनलाई कालोसूचिमा राख्न सार्बजनिक खरिद अनुगमन कार्यालयमा पत्राचार गरेको बताए । उनले पुरानो ठेक्का भएकाले धेरै कुरा आफूलाई जानकारी नभएको बताए ।

इन्जिनियर जनक खड्काले ठेकेदारलाई अहिले सम्म भुक्तानी नगरिएको बताए । उनले भने ‘ठेकेदारले वेसको काम गरेका छन । तर, ठेकेदारले पेमेन्ट लगेका छैनन् । हाल सम्म करिब ७० प्रतिशत काम भएको होला ।’ उनले सार्बजनिक खरिद अनुगमन कार्यालयले आकाश पवन कन्ट्रक्सनलाई कालोसूचिमा राख्न केहिदिन अघि थप कागजात माग गरेकाले पुनः पठाइएको बताए । उनले भने ‘पछि सार्बजनिक खरिद अनुगमन कार्यालयमा थप कागजात पठाएपछि कुनै प्रतिक्रिया आएको छैन् ।’ नगरपालिकाले ठेकेदारलाई कालोसूचिमा राखेर नयाँ ठेक्का मार्फत काम गराउने जनाएको छ ।

indreni vansa ghar
सम्बन्धित पाेस्टहरु
प्रतिक्रिया दिनुहोस

Your email address will not be published.