फेरीदै दोधरा चाँदनी, हट्दै भारतीय निर्भरता

अत्तरिया – महाकाली पारीको दोधरा चाँदनी बासीको भारतीय निर्भरत हट्दै गएको छ । महाकाली नदीमा झुलुङ्गे पुल संगै ४ लेनको पक्की पुल निर्माण भएपछि अहिले दोधरा चाँदनी बासीको दैनिकी नेपाली बजार संग जोडिन थालेको हो ।

२०६१ सालमा महाकाली नदीमा झोलुङ्गे पुल निर्माण गरिएको भएपनि चारपाग्रे सवारी साधनको पहुचमा दोधरा चाँदनी पुग्न सकेको थिएन । जसले गर्दा यहाँ पुग्न मोटरसाइकलकै भर पर्नु पर्ने हुन्थ्यो । जुन निकै जोखिमपुर्ण थियो ।

joshi vada pasal 2

निर्माणाधिन ४ लेन पुलमा अहिले यातायातका साधन संचालनमा आएपछि भने दोधरा चाँदनीको पहिचान नै फेरिएको छ भने भारतीय निर्भरता पनि हटेको छ । दोधरा– चाँदनी नगरपालिका – १ का लक्ष्मण महरले पहिले चार पाग्रे सवारी साधनमा यात्रा तथा सामान ढुवानी गर्न भारतमा भर पर्नुपर्ने भएपनि अहिले त्यो बाध्यता हटेको बताए ।

उनले बिरामी हुँदा पनि एम्बुलेन्समा महेन्द्रनगर बजार आउन भारतीय बाटो प्रयोग गर्दा निकै झमेला हुने गरेकोमा अब त्यो समस्या हटेको बताए । ‘महेन्द्रनगर जानको लागि बनवासा पुलमा भारतीय प्रहरीको अनेकन झमेला भोग्नु पथ्र्यो । इमरर्जेन्सीमा महेन्द्रनगर जानुपरे त असम्भव जस्तै थियो’ उनले भने ‘अहिले त निकै ढुक्क भएका छौ । जुन सुकै समयमा पनि महेन्द्रनगर बजार जान सकिन्छ । रातमा कोही बिरामी भएमा ढुक्कका साथ महेन्द्रनगर पुगाउन सकिन्छ ।’

maya metro hospital
bishal shuit house

दोधरा चाँदनीबाट महेन्द्रनगर बजार आउन मात्रै नभएर अहिले दोधरा चाँदनी भित्रकै यातायात संजालमा निकै सुधार आएको छ । १० बर्ष पहिलेको मात्रै तुलना गर्ने हो भने यहाँ सडक संजालले निकै फड्को मारेको छ । साइकल मोटरसाइकल चलाउन पनि हम्मेहम्मे पर्ने यहाँका सडकहरुमा अहिले निकै फराकिला भएका छन । जसले गर्दा अहिले यस क्षेत्रमा अटोरिक्सा, ई रिक्साले यात्रुलाई ओसार–पसार गरिरहेका छन । जवकी त्यसअघि यहाँ यात्रा गर्न पनि ‘मुद्रे यातायात’ का नामले परिचित मोटरसाइकलको भर पर्नुपर्ने बाध्यता थियो ।

दोधरा चाँदनी नगरपालिका – ७ का चंचली कोलीले फेरीएको दोधरा चाँदनी संगै दैनिकी पनि फेरिएको बताए । ६५ बर्षीया कोलीले १० बर्ष अगाडी र अहिलेको दोधरा चाँदनीमा निकै ठूलो परिवर्तन आइसकेको बताए ।

‘पहिले एक ठाउँबाट अर्को ठाउँमा जान किनै समस्या हुन्थ्यो । बाटाघाटाको पनि निकै समस्या थियो । बर्षातमा त बाटाघाटा झन हिलाम्मे हुन्थे’ उनले भन ‘अहिले अधिकाशं बाटाघाटा सुधार भएका छन । आवतजात गर्न सजिलो भएको छ । बाटाहरु फराकिला पनि भएका छन ।’ उनले महाकाली पुलमा ४ लेनको सडक निर्माण भएपछि दोधरा चाँदनीको मुहार नै फेरिएको बताए । उनले भने ‘महेन्द्रनगर बजार पुग्न निकै संघर्ष गर्नुपथ्र्यो । अहिले यहिबाट बस चल्न थालेका छन ।’

दोधरा चाँदनीको विकास संगै जग्गाको भाउ भने आकाशिएको छ । राम्रो उब्जाउ हुने खेत पनि अहिले खण्डिकरण हुँदै गएका छन । हाल दोधरा चाँदनीको वडा नम्बर १ मा सुख्खा बन्दरगाह निर्माणको लागि पनि प्रक्रिया अगाडी बढेको छ । जसको निर्माण भएमा यस क्षेत्रको विकासले झनै छलाङ मार्ने निश्चित छ ।

उक्त बन्दरगाहा निर्माणको पुर्वाधारका रुपमा हाल महाकाली नदीमा ४ लेनको पक्की पुल र पहुचमार्ग निर्माणको काम अन्तिम चरणमा पुगेको छ ।

texas
सम्बन्धित पाेस्टहरु
प्रतिक्रिया दिनुहोस

Your email address will not be published.