अत्तरिया – कैलालीको सेती प्रादेशीक अस्पतालमा थप ३१ जनामा कोरोना संक्रमण पुष्टि भएको छ ।
पछिल्लो २४ घण्टामा अस्पतालको प्रयोगशालामा गरिएको ७६ जनाको पिसिआर परिक्षणमा ३१ जनामा संक्रमण पुष्टि भएको हो ।
अस्पतालका सुचना अधिकारी दिलिप कुमार श्रेष्ठका अनुसार हालसम्म अस्पतालमा १६१७ जना कोरोना संक्रमित विरामीहरु अस्पताल भर्ना भएकामा १३९९ जना कोरोना संक्रमित निको भएर घर फर्किएका छन भने २११ जना कोरोना संक्रमितको मृत्यु भएको छ ।
पछिल्लो २४ घण्टामा ३ जना कोरोना संक्रमित भर्ना भएसँगै हाल अस्पतालमा ७ जना कोरोना संक्रमित उपचाररत रहेकामा ६ जनाको आईसियु र १ जनाको भेन्टिलेटरमा राखेर उपचार भैरहेको उनले बताए ।
