अत्तरिया – कञ्चनपुरमा अवैध रुपमा भित्र्याउदै गरेका करिब डेढ लाख बराबरका सामग्री बरामद गरिएको छ ।
सशस्त्र प्रहरी बल नेपाल नं. ३५ गण हेडक्वाटर शैलेश्वरी मातहत रहेको बोर्डर आउट पोष्ट गड्डाचौकीबाट खटिएको सिमा गस्ती टोलीले निषेधाज्ञा उल्लंघन गरी अवैध रुपमा चोरी निकासी भित्र्याउदै गरेका करिब १ लाख ५१ हजार ५ सय बराबरका सामग्री बरामद गरेको हो ।
बरामद गरिएका सामग्रीहरुमा बिडी, उन्नत जातको घाँसको बिउ, कस्मेटीक सामान रहेको बताईएको छ । उक्त सामग्रीहरु आवश्यक कानूनी कारवाहीको लागि कञ्चनपुर भन्सार कार्यालय गड्डाचौकीमा बुझाईएको शैलेश्वरी गणले जनाएको छ ।
