अत्तरिया – कैलालीको गोदावरी नगरपालिका – ३ चौकिडाँडामा हाइसले २ मोटरसाइकललाई ठक्कर दिँदा ४ जना घाइते भएका छन् ।
अत्तरियाबाट महेन्द्रनगर तर्फ गइरहेको सुप प्र ०२–००१ ज ०६९८ हाइसले अत्तरिया तर्फ आइरहेका मोटरसाइकललाई ठक्कर दिँदा मोटरसाइकलमा सवार ३ जना घाइते भएका हुन ।
घाइते हुनेमा म १ प ५३७१ नम्बरको मोटरसाइकलमा सवार दीपेन्द्र देउवा र उनकी नातिनी ४ वर्षीय दीप्ति देउवा रहेका छन् । यस्तै अर्को से ४ प १६४० नम्बरको मोटरसाइकलमा सवार शिवराज कपाडी र शिवराज काफ्ले घाइते भएको प्रहरीले जनाएको छ ।
घाइतेको अत्तरिया अस्पताल र पदमा अस्पतालमा उपचार भइरहेको छ ।
हाइस र चालकलाई प्रहरीले नियन्त्रणमा लिएको छ । हाइस चालकले अन्धा धुन्दा चलाएका कारण दुर्घटना भएको हाइसमा सवार यात्रुले बताएका छन् । उनीहरूले रोक्न भन्दा पनि नमानेको बताएका छन् ।
चौकिडाडाँमा पशु हाटबजार अगाडी ठक्कर दिएर भागेको हाइसलाई यात्रुहरूको सहायतामा चौकिडाँडा चोकमा नियन्त्रणमा लिइएको थियो ।
