अत्तरिया – कैलालीको गोदावरी नगरपालिकामा ३१ औं अन्तराष्ट्रिय जेष्ठ नागरिक दिवस मनाइएको छ । गोदावरी नगरपालिका कार्यालयको आर्थिक सहयोगमा गोदावरी जेष्ठ नागरिक समाजले र्याली सहित औपचारीक कार्यक्रम गरी दिवस मनाएको हो ।
दिवसको अवसरमा सामाजले बिहान ब्यानर सहित बिभिन्न नारा लेखिएका पोष्टर बोकेर अत्तरिया चोकमा परिक्रमा गरेको थियो । र्यालीका क्रममा जेष्ठ नागरिकहरुले ‘३१ औं अन्तराष्ट्रिय दिवस सफल पारौं’, ‘जेष्ठ नागरिक अभियानका अभियन्ताको सम्मान गरौं’, ‘सबै उमेर समूहको लागि बिद्युतिय प्रबिधिको प्रयोगमा समानता’ लेखिएका ब्यानर बोकेका थिए ।
र्याली पछि अत्तरिया पतजंलिको हलमा आयोजित औपचारीक कार्यक्रममा बोल्दै कार्यक्रमकी प्रमुख अतिथि रहेकी सुदूरपश्चिम प्रदेश सरकारकी भौतिक पुर्वाधार विकास राज्यमन्त्री चुन कुमारी चौधरीले जेष्ठ नागरिकको सबैले सम्मान गर्नुपर्ने बताइन् ।
उनले जेष्ठ नागरिको देश विकासमा ठूलो योगदान हुने भएकाले जेष्ठ नागरिकको सबैले सम्मान गर्नुपर्ने बताइन् । ‘सुदूरपश्चिम सरकारको मान्यता पनि जेष्ठ नागरिकलाई संगसंगै लिएर जानुपर्छ भन्ने हो’ उनले भनीन् ‘गोदावरीका जेष्ठ नागरिकहरुले सभाहलको निर्माण गरिदिन माग गर्नुभएको छ । सो सभाहल बनाउने योजना बजेटमा परिसकेको छ । अलि प्राबिधिक त्रुटी भएकाले सुधार भईरहेको छ ।’
उनले जेष्ठ नागरिकका लागि बृद्धाआश्रमको बनाउनु गलत भएको बताईन् । ‘जेष्ठ नागरिक रमाउनको लागि हल, सभाहल बनाउन सकिन्छ । साँझ आफ्ना छोराछोरी संग बस्नु पर्छ’ उनले भनीन ‘म बृद्धाआश्रमको विरोधि हो । किनभने जन्मदिने आमाबुवालाई बाचुन्जेल छोराछोरीले पाल्नुपर्छ । सेवा गर्नुपर्छ । अहिले हामीले जेष्ठ नागरिकको सेवा गरेनौ भने भोली हामी पनि त्यो ठाउँमा पुग्छौ । त्यसैले हामी सबै सचेत हुनुपर्छ ।’
कार्यक्रममा बिशिष्ट अथिती रहेकी गोदावरी नगरपालिकाकी उपप्रमुख रत्ना कडायतले जेष्ठ नागरिकलाई सधै माया र सम्मान दिनुपर्ने बताईन् । उनले जेष्ठ नागरिकलाई अन्य कुराभन्दा पनि सम्मानको बढी आवश्वकता हुन्छ उनले भनीन ‘सबैले परिवारमा जेष्ठ नागरिकलाई माया र सम्मान दिउँ ।’ उनले जेष्ठ नागरिकको सम्मान सहयोगका लागि गोदावरी नगरपालिका सदैभ तयार रहेको बताईन् ।
उनले जेष्ठ नागरिकको भवनमा दिवा खाजा र अन्य व्यवस्थापनको लागि नगरपालिकाको महिला शाखाबाट सहयोग गरिरहेको बताइन् । नगरपालिकाले जाडो मौसमका लागि सम्मान र सहयोगका लागि पनि बजेट विनियोजन गरेको नगर उपप्रमुख कडायतले बताईन् ।
जेष्ठ नागरिक समाजका अध्यक्ष खडक राज जोशीको अध्यक्षतामा भएको उक्त कार्यक्रममा जनप्रतिनिधि, बिभिन्न संस्थाका प्रतिनिधि, सामाजसेवी लगायत गोदावरीका जेष्ठ नागरिकहरुको सहभागिता रहेको थियो ।
यस बर्ष संयुक्त राष्ट्रसङ्घले अन्तर्राष्ट्रिय जेष्ठ नागरिक दिवसको नारा ‘सबै उमेर समूहका लागि विद्युतीय प्रविधिको प्रयोगमा समानता’ तय गरेको छ ।
