आशिष बहादुर सिंह/ बझाङ – बझाङमा नेकपा एमालेमा पहिरो गएको छ । बझाङ केदारस्यु गाउँपालिका अध्यक्ष ईन्द बहादुर भन्डारी उपाध्यक्ष सहितका जनप्रतिनिधिले आईतबार नेकपा (एकीकृत समाजवादी) पार्टीका पक्षमा सनाखत गराएका छन् ।
एमालेबाट निर्वाचित अध्यक्ष उपाध्यक्ष सहित बझाङका १९ जना जनप्रतिनिधिले माधवकुमार नेपाल नेतृत्वको नेकपा एकीकृत समाजवादी पार्टी रोजेको जिल्ला निर्वाचन कार्यालयले जनाएको छ ।
यस्तै नेकपा एकीकृत समाजवादीका बझाङ जिल्ला कमिटी उपाध्यक्ष ईन्द बहादुर भन्डारीले केदारस्यु गाउँपालिका अध्यक्ष, उपाध्यक्ष सहित ४ वडा अध्यक्ष पनि एकीकृत समाजबादीमा जाने निर्णय भएको बताए ।
एमालेका जिल्ला अध्यक्ष समेत रहेका दिल बहादुर सिंह पनि नेकपा एकीकृत सामाजवादीमा लाग्ने बताएका छन । उनी जिल्लाका लोकप्रिय नेता हुन ।
उनको प्रभावका कारण एमालेमा पहिरो गएको बताइएको छ । उनको कारणले नै बझाङमा नेकपा एकीकृत समाजवादी पार्टी बलियो हुने सम्भावना बनेको युवा नेता लक्ष्मी जोशीले बताए ।
