अत्तरिया – सेती प्रादेशिक अस्पतालमा गरिएको कोरोना परिक्षणमा थप ६ जनामा कोरोना संक्रमण पुष्टि भएको छ । पछिल्लो २४ घण्टामा अस्पतालको प्रयोगशालामा ८६ नमूनाको कोरोना परिक्षण गरिएकोमा ६ संक्रमित थपिएका हुन ।
अस्पतालले शनिबार सार्वजनिक गरेको तथ्याङ्क अनुसार पछिल्लो २४ घण्टामा ३ जनाले कोरोना जितेका छन । अस्पतालका सूचना अधिकारी दिलिप कुमार श्रेष्ठका अनुसार अस्पतालमा उपचाररत ३ जनाले कोरोना जितेर घर पठाईएको हो ।
त्यस्तै अस्पतालमा पछिल्लो २४ घण्टामा ३ कोरोना संक्रमित उपचारका लागि भर्ना भएका छन । यो संगै अस्पतालमा कोरोना उपचाररत बिरामीको संख्या २९ पुगेको अस्पतालले जनाएको छ ।
जसमध्ये २ जनाको आइसियु र १ जनाको भेन्टिलेटरमा उपचार भईरहेको छ ।
