अत्तरिया – कैलालीको गोदावरी नगरपालिका – ८ स्याउमा नेपाली सेनाको स्काइ ट्रकले ठक्कर दिँदा घाइते भएकी एक किशोरीको मृत्यु भएको छ ।
दुर्घटनामा गम्भिर घाइते भएकी धनगढी उपमहानगरपालिका– ११ की १५ वर्षीया विद्या रानाको धनगढीस्थित नवजीवन अस्पतालमा उपचारका क्रममा मृत्यु भएको हो ।
पूर्वबाट पश्चिम तर्फ आइरहेको प्रदेश ३ – ०१ –००१ ग ३७३२ नम्बरको सेनाको ट्रकले म २ प २१७८ नम्बरको मोटरसाइकलाइ ठक्कर दिदाँ ३ जना घाइते भएको थिए ।
अन्य २ जना घाईतेको धनगढीमा रहेको निसर्ग अस्पतालमा उपचार भइरहेको जिल्ला प्रहरी कार्यालय कैलालीले जनाएको छ । घाइते हुनेमा धनगढी उपमहानगरपालिका वडा नम्बर ५ जाइका १७ वर्षीय कृष बम र वडा नम्बर ३ का ३४ वर्षीय उमेश कार्कीको रहेका छन ।
सुरुमा घाइते सबैलाई अत्तरिया स्थित पदमा अस्पतालमा ल्याइएको भएपनि पछि धनगढी पठाइएको थियो ।
