अत्तरिया – कैलालीको भासु भिरमा जीप दुर्घटना भएको छ । जीप दुर्घटनामा परी कैलालीको चुरे गाउँपालिका– ६ की ३६ वर्षीया दुर्गा साउँद र डोटीको जोरायल गाउँपालिका–१ की ५ वर्षीया एलिसा खड्काको मृत्यु भएको छ भने अन्य ३ जना घाइते भएका छन ।
चुरे गाउँपालिका – ३ भासु भिरमा प्रदेश ३–०१ ००२३ च ९०५९ नम्बरको जीप दुर्घटना हुँदा जोरायल–१ का जीप चालक रमेश खड्का, २८ वर्षीया निर्मला खड्का र चुरे–६ का सुशिल साउद घाइते भएको प्रदेश ट्राफिक प्रहरी कार्यालय अत्तरियाले जनाएको छ ।
जीप सडकबाट करिब तीन सय मिटर तल खसेको जनाईएको छ । धनगढीबाट डोटी जाँदै गरेको जीप सडकबाट करिब तीन सय मिटर तल खसेको जनाईएको छ ।
