अत्तरिया – सेती प्रादेशिक अस्पतालमा गरिएको कोरोना परिक्षणमा थप २७ कोरोना संक्रमित थपिएका छन । पछिल्लो २४ घण्टामा १ सय १७ जनाको कोरोना परिक्षण गरिएकोमा २७ संक्रमित थपिएका हुन ।
अस्पतालले बुधबार सार्वजनिक गरेको तथ्याङ्क अनुसार पछिल्लो २४ घण्टामा थप ८ कोरोना संक्रमित उपचारका लागि अस्पताल भर्ना भएका छन ।
यो संगै सेतीमा उपचाररत कोरोना संक्रमितको संख्या २७ पुगेको छ । जसमध्ये ४ जनाको आइसीयु र २ जनाको भेन्टिलेटरमा उपचार भईरहेको अस्पतालले जनाएको छ ।
