धनगढी – अखिल (क्रान्तिकारी) कैलालीले महङ्गी कालोबजारीका विरुद्ध कैलालीको धनगढीमा प्रदर्शन गरेको छ । मगंलबार अखिल (क्रान्तिकारी) ले धनगढी स्थित मुख्यमन्त्रीको कार्यालय अगाडि प्रदर्शन गरेको हो ।
उक्त प्रदर्शनलाई अखिल (क्रान्तिकारी) का जिल्ला संयोजक सुबास किरण जोशीले सम्बोधन गर्दै सरकारकै संरक्षणमा महङी र कालोबजारी मौलाएको बताएका छन् । उनले दिनप्रतिदिन पेट्रोलियम पदार्थको मुल्य वृद्धिले जनताको दैनिकी निकै दर्दनाक भएको बताए ।
प्रदर्शनका क्रममा उनिहरुले दैनिक उपभोग्य बस्तुको सहज आपूर्ति गर्नुपर्ने, किसानहरुलाई उचित मुल्य निर्धारण गर्नुपर्ने, निजि शैक्षिक संस्थाले गरेको मनपरि शुल्क वृद्धि तत्काल फिर्ता लिनुपर्ने, शिक्षा माथिको कर हटाउनुपर्ने, शिक्षक र विद्यार्थीलाई कोरोनाको खोप तत्काल ब्यबस्था गरि शैक्षिकसत्र सुचारु गर्नुपर्ने लगाएतका माग गरेका थिए ।
माग पुरा नभए कडा संघर्ष गर्न बाध्य हुने अखिल (क्रान्तिकारी) ले जनाएको छ ।
