काठमाडौँ । चिया धेरैको लागि जीवनको एक हिस्सा हो । मानिसहरू भोक लागे चिया पिउँछन्, कसैलाई कुर्नु परे चिया पिउँछन् । कसैलाई केही भन्नु पर्दा सँगै बसेर चिया पाउँछन् । तनाव कम गर्न, टाउको दुखे पनि मानिसहरू चिया नै रोज्छन् ।
कतिपय व्यक्ति यस्ता हुन्छन्, जसलाई घरमा जति पटक चिया पाक्दा पनि खानै पर्छ । केहीले त खाना छिटै पच्छ भनेर खाना खाएपछि पनि चिया पिउँछन् । तर के यो बानी ठिक छ ? स्वास्थ्य विज्ञहरूका अनुसार खाना खाएपछि तुरुन्तै चिया पिउनु शरीरको लागि सधैँ फाइदाजनक हुँदैन ।
चियामा ट्यानिन र क्याफिन जस्ता यौगिकहरू हुन्छन् । ट्यानिनले खानामा फलाम विशेष गरी बोटबिरुवाबाट पाइने नन–हेम आइरनको अवशोषणलाई कम गर्न सक्छ । यदि यो बानी लामो समयसम्म रह्यो भने, यसले केही मानिसहरूमा फलामको कमीको जोखिम बढाउन सक्छ । यसबाहेक, चियामा रहेको क्याफिनले केही मानिसहरूमा एसिडिटी, ग्यास वा पेटमा भारीपनको भावना पनि बढाउन सक्छ ।
खाना खाएको कति समयपछि चिया पिउनु उपयुक्त हुन्छ ?
खाना खाएको कम्तीमा ४५ मिनेटदेखि १ घण्टा पछि मात्रै चिया पिउनु राम्रो हुने विज्ञहरू भन्छन् । यस समयमा, शरीरले खाना पचाउन थाल्छ र यसको पोषक तत्वहरू हटाउन थाल्छ । यस समयमा चिया पिउनाले पोषण प्रभाव कम हुन्छ ।
कसले विशेष सावधानी अपनाउनु पर्छ ?
केही व्यक्तिको लागि चिया विष सरह हुन्छ । यसको सेवन निकै हानिकारक हुन सक्छ । तपाईँ खाना खाएपछि तुरुन्तै चिया पिउनुहुन्छ भने यसले समस्या बढाउन सक्छ । यी मान्छेहरूले खाना खाने बित्तिकै चिया पिउनै हुन्न :
फलामको कमी भएकाहरू
गर्भावस्थामा जटिलता भोगिरहेकाहरू
स्तनपान गराइरहेकाहरू
एसिडिटी वा ग्यास समस्याहरू भएकाहरू
के दूध हालेको चियाले पनि गर्छ हानि ?
दूध चियामा ट्यानिन पनि हुन्छ, त्यसैले खाना खाएपछि तुरुन्तै पिउनाले फलामको स्तरलाई पनि असर गर्न सक्छ । यद्यपि, व्यक्तिको समग्र आहार र चिया पिउने मात्रामा प्रभाव निर्भर गर्दछ ।
यदि तपाईँलाई चिया मन पर्छ र खाना खाएपछि चिया खाने तलतल हुन्छ भने तल दिइएका केही साधारण कुराहरू दिमागमा राख्नुस् । खाना खाएपछि आधा घण्टा पछि मात्रै चिया पिउनुहोस् । दिनभरि चियाको सेवन सीमित गर्नुहोस् र कागती, अमला, वा अन्य भिटामिन सी युक्त खानेकुराहरू समावेश गर्नुहोस्, जसले फलामको अवशोषणमा मद्दत गर्न सक्छ । ग्रिन टीमा ट्यानिन पनि हुन्छ, त्यसैले खाना खाएपछि तुरुन्तै यसलाई पिउनुको सट्टा केही समय पछि पिउनु राम्रो हुन्छ ।
