काठमाडौँ – मिर्गाैलामा खनिज र लवण कडा भएर जम्न थालेपछि पत्थरी हुन्छ । यसरी जम्मा भएर बस्ने वस्तुलाई नेफ्रोलिथियासिस वा युरोलिथियासिस पनि भनिन्छ ।
मिर्गाैलामा पत्थरी आहार, अधिक तौल, स्वास्थ्य समस्या, केही पूरकहरू र औषधिहरूको कारणले हुन सक्छ । मिर्गाैलामा हुने पत्थरीले पिसाब नलीको कुनै पनि भागलाई असर गर्न सक्छ ।
पिसाब बाक्लो हुँदा मिर्गाैलामा पत्थरी बन्ने गर्छ, जसले गर्दा खनिजहरू क्रिस्टलाइज हुन्छन् र एकसाथ टाँसिन्छन् । चाँडै पत्ता लाग्यो भने मिर्गाैलाको पत्थरीले सामान्यतया कुनै स्थायी क्षति गर्दैनन् । पत्थरी भएको ठाउँको स्थानका आधारमा मिर्गौलाबाट बाहिर निकाल्न मद्दत गर्न दुखाइ कम गर्ने औषधि र प्रशस्त पानी पिउन सिफारिस गरिन्छ ।
कहिलेकाहीँ पत्थर पिसाब नलीमा अड्किन्छ । यस्तो भयो भने संक्रमण हुन सक्छ र शल्यक्रिया आवश्यक पर्न सक्छ ।
मिर्गाैलामा पत्थरीका लक्षणहरू
मिर्गाैलामा पत्थरीको सामान्यतया लक्षणहरू तबसम्म देखिँदैनन्, जबसम्म तिनीहरू मिर्गाैलाभित्र र पिसाब नलीमा सर्दैनन् । पत्थरी पिसाब नलीमा अड्कियो भने मिर्गाैला सुन्निन सक्छ र नली साँघुरो हुन सक्छ, जसले गर्दा गम्भीर पीडा हुन सक्छ । यसपछि निम्न लक्षणहरू देखा पर्न सक्छः
–छाती, छेउ र ढाडमा, करङ मुनि गम्भीर पीडा,
–तल्लो पेटमा पीडा जुन कम्मरसम्म फैलिएको अनुभव हुनु,
–पीडाका लहरहरु कम वा धेरै भइरहनु
–पिसाब गर्दा पीडा वा जलन हुनु
–पिसाबको रंग गुलाबी, रातो वा खैरो हुने र दुर्गन्ध आउनु
–सामान्य भन्दा धेरै पटक पिसाब लागिरहेको महसुस हुनु
–संक्रमणको कारणले ज्वरो र चिसो लाग्नु
चिकित्सकीय सल्लाह कहिले लिने ?
यी लक्षणहरू देखा परे तुरुन्तै चिकित्सकीय सल्लाह लिनुहोस् – पीडा बढेर चुप लागेर बस्न नसक्ने भइरहनु भएको छ, दुखाइको साथमा वाकवाकी र बान्ता भइरहेको छ, दुखाइसँगै ज्वरो र चिसो लागेको महसुस भइरहेको छ, पिसाबमा रगत देखा परेको छ, पिसाब फेर्न गाह्रो हुन थालेको छ ।
