धनगढी – कैलालीको धनगढी उपमहानगरपालिका–५, हसनपुरमा घरको जगमा पुरिएर एक जनाको मृत्यु भएको छ । अन्दाजी ५२ वर्षीय दिपेन्द्र जोशीको पुरानो घरको जगबाट इट्टा निकाल्ने क्रममा खाल्टोमा पुरिएर मृत्यु भएको हो ।
जिल्ला प्रहरी कार्यालय कैलालीका प्रहरी नायव उपरीक्षक राजकुमार सिंहका अनुसार जोशी घर मर्मतका लागि पुरानो घरको इट्टा निकाल्ने काम गर्दै थिए । उक्त कामका क्रममा अचानक जमिन खसेर र उनी खाल्टोमा पुरिएका हुन ।
घटना स्थलबाट जिल्ला प्रहरी कार्यालय कैलाली र धनगढी नगर प्रहरीको टोलीले उद्धार गरी अस्पताल पु¥याए पश्चात् चिकित्सकले मृत घोषणा गरेको उनले बताए ।
