अत्तरिया – कैलालीको चिसापानीबाट लागू औषध सहित गोदावरीका एक युवक पक्राउ परेका छन् । बिहीबार लम्की चुहा नगरपालिका – ३ चिसापानी स्थित लियाक्सन होटल अगाडिबाट गोदावरी नगरपालिका – ३ चौकीडांडाका २३ को सागर विक पक्राउ परेका हुन ।
उनको साथबाट ४० मिलिग्राम लागू औषध खैरो हेरोइन बरामद गरिएको प्रदेश प्रहरी कार्यालय धनगढीले जनाएको छ ।
प्रहरीले नजिकै रहेको दिपा कुमारी विष्टले सञ्चालन गरेको लियाक्सन होटलमा खानतलासी गर्दा होटलको बरन्डाको बल्क (इँटा) मुनी लुकाई राखेको अवस्थामा थप १०० मिलिग्राम लागू औषध खैरो हेरोइन बरामद गरेको जनाएको छ ।
होटल सञ्चालक दिपा कुमारी विष्ट भने फरार रहेको र उनको खोजी भइरहेको प्रहरीको भनाइ छ ।
