अत्तरिया– कैलालीको अत्तरियामा आयोजित ब्याटमिन्टन छनौट प्रतियोगिता सम्पन्न भएको छ । नेपाल विद्यूत प्राधिकरणको ४०औ वार्षिकोत्सवको अवसरमा नेपाल विद्यूत प्राधिकरण सुदूरपश्चिम प्रादेशिक कार्यालय अत्तरियाले आयोजना गरेको प्रतियोगिता आईतबार सम्पन्न भएको हो ।
यही जेठ १६ गतेदखी सञ्चालन भएको प्रतियोगितामा डबल र सिंगल गरी दुई विद्यामा प्रतिष्पर्धा भएको थियो । डबल विधामा भएको प्रतियोगितामा नेपाल विद्यूत प्राधिकरण धनगढी वितरण केन्द्र भएको छ । आईतबार भएको फाईनल खेलमा नेपाल विद्यूत प्राधिकरण सुदूरपश्चिम प्रादेशिक कार्यालयलाई पराजित गर्दै धनगढी वितरण केन्द्रले प्रथम स्थान हासिल गर्न सफल भएको हो । धनगढी वितरण केन्द्रका तर्फबाट दिनेश बिष्ट र धर्मानन्द अवस्थीले प्रतियोगितामा सहभागिता जनाएका थिए भने प्रादेशिक कार्यालय अत्तरियाका तर्फबाट सन्तराम थारु र सरोज बोहरा सहभागि थिए ।
यस्तै प्रतियोगितामा सिंगल तर्फ चमेलिया जलविद्यूत आयोजना केन्द्रका कर्मचारी रोशन कुमार मण्डल प्रथम भएको प्रतियोगिता सञ्चालन समितिका सदस्य सचिव तथा राष्ट्रिय कर्मचारी युनियनका प्रदेश अध्यक्ष तेजेन्द्र बहादुर बिष्टले बताए । उनका अनुसार मण्डलले फाईनलमा नेपाल विद्यूत प्राधिकरण भजनी वितरण केन्द्रका कर्मचारी किरण पाललाई पराजित गरेका हुन । प्रतियोगितामा विजेता बनेका टीम तथा खेलाडीहरुलाई ट्रफी, मेडल र प्रमाणपत्र प्रदान गरिने उनले बताए ।
उनका अनुनसार प्रतियोगितामा डबल तर्फ ३२ वटा टीम सहभागी थिए भने सिंगल तर्फ २८ जनाले भाग लिएका थिए । छनौट प्रतियोगितामा प्रथम र द्धितिय स्थान हासिल गर्ने टीम तथा खेलाडीहरुले काठमाण्डौमा हुने प्रतियोगितामा सहभागि हुने मौका पाएको उनले बताए । ‘यहाँ हाम्रो छनौट प्रतियोगिता मात्रै हो’ उनले भने ‘यहाँबाट विजेता र उपविजेता बनेका टीम र खेलाडीहरु काठमाण्डौमा खेल्न पाउनेछन ।’
उनले सिंगल विधातर्फ पनि प्रथम र द्धितिय भएका खेलाडीहरु काठमाण्डौमा खेल्न जाने बताए । उनले काठमाण्डौमा सात वटै प्रदेशका प्रथम र द्धितिय भएका टीम तथा खेलाडीहरु बिच प्रतिष्पर्धा हुने बताए । ‘काण्डमाण्डौ केन्द्रिय कार्यालयमा सात वटै प्रदेशमा भएको छनौट प्रतियोगितामा विजेता र उपविजेता बनेका डबल र सिंगलतर्फका खेलाडीहरु बिच प्रतिष्पर्धा हुनेछ’ उनले भने ‘त्यसबाट मात्रै विजेता टीम तथा खेलाडीको टुंगो लाग्ने हो ।’
