पुर्व राष्ट्रपति विद्या भण्डारीले एमालेमा सक्रिय हुने घोषणा गरेकी छिन । उनले पार्टीको पुनः सदस्यता लिएको बताउँदै पार्टीमा सक्रिय हुने बताइकी हुन ।
स्व. मदन भण्डारीको ७४ औं जन्मोत्सवमा आयोजित सभालाई सम्बोधन गर्दै उनले एमालेबाटै राजनीतिक यात्रालाई निरन्तरता दिने पवित्र उद्देश्यका साथ आफूले पार्टी सदस्यता नवीकरण गरेको बताइन् ।
‘फरक ढङ्गको राजनीतिक जिम्मेवारीबाट मुक्त भएपछि नेकपा (एमाले) मै रहेर पार्टीको राजनीतिक यात्रालाई निरन्तरता दिने पवित्र उद्देश्यका साथ मैले पार्टी सदस्यता नवीकरण गरेको छु,’ भण्डारीले भनिन्, ‘अब म नेकपा (एमाले) परिवारको एक सदस्यको रूपमा पुनः जोडिएको छु र यसमा म गर्व गर्दछु ।’
उनले आफ्नो कुनै ठूलो महत्वकांक्षा नरहेको पनि बताइन् ।
