काठमाडौँ- फिल्म ‘बुलाकी’ आजदेखि प्रदर्शनमा आएको छ । यो चलचित्र यसअघि २०८० सालको वैशाखमा प्रदर्शनमा आएको भए पनि, दोस्रो दिनमै विभिन्न कारणले स्थगित गरिएको थियो ।
निर्देशक लक्ष्मण सुनारले निर्देशन गरेको यो चलचित्रले कर्णाली भेगको जारी प्रथाको कथावस्तु उठाएको छ । सुरक्षा पन्त, नरेन खड्का र विराज विष्ट मुख्य भूमिकामा रहेका यो चलचित्रले पहिलो प्रदर्शनका समयमा प्रर्याप्त शो नपाएपछि प्रदर्शन रोकिएको थियो ।
चलचित्रमा सरस्वती खत्री, प्रकाश कंडेल, लक्ष्मी गिरी, सुशील पोखरेल लगायतका कलाकारहरूको पनि अभिनय रहेको छ ।
