डोटी – डोटीमा भरुवा बन्दुकको गोली लागेर एका जनाको मृत्यु भएको छ । पुर्वीचौकी गाउँपालिका–६ गाँजरीका अन्दाजी ३० वर्षीय अमर थापाको शुक्रवार बिहान सिकार खेल्ने क्रममा गोली लागेर मृत्यु भएको हो ।
घोत्नेगडा सामुदायिक वनमा सिकार खेल्न गएका थापाको गोली लागेर घटना स्थलमै मृत्यु भएको जिल्ला प्रहरी कार्यालय डोटीका सूचना अधिकारी भिमलाल भट्टराईले जानकारी दिए।
यसैबिच प्रहरीले भरुवा बन्दुकसहित २ जना सिकारी पक्राउ गरेको छ। दिपायल सिलगढी नगरपालिका–८ डाँडागाउँका ३३ वर्षीय रामबहादुर साउद र सोही ठाउँका ४२ वर्षीय दिल्ली साउदलाई पक्राउ गरेको हो ।
दुबै जनालाई भरुवा बन्दुकसहित गए राति पक्राउ गरेको जिल्ला प्रहरी कार्यालय डोटीले जनाएको छ । उनीहरु दुवै जना थापा मृत्यु प्रकरणमा संलग्न रहेको प्रहरीले जनाएको छ ।
