मकवानपुरको भीमफेदी गाउँपालिका–६ चिसापानी गढीमा भएको यात्रुवाहक हाइस दुर्घटनामा मृत्यु हुनेको संख्या १४ पुगेको छ। मृतकमध्ये ११ जनाको पहिचान खुलेको छ भने तीन जनाको पहिचान हुन बाँकी छ।
दुर्घटनामा एकै परिवारका पाँच जनाको मृत्यु भएको प्रहरीले जनाएको छ। दुर्घटनामा चालकसहित सर्लाहीको चक्रघट्टा गाउँपालिका–४ का एउटै टोलका यात्रुहरूको मृत्यु भएको प्रहरीले जनाएको छ। दुर्घटनामा ६ जना घाइते भएका छन्।
घाइतेमध्ये तीन जना उपचारपछि डिस्चार्ज भएका छन् भने तीन जनालाई थप उपचारका लागि काठमाडौं र चितवन रिफर गरिएको छ।
बिहीबार बिहान करिब ५ः४५ बजे काठमाडौंबाट सर्लाही जाँदै गरेको मधेश प्रदेश ०३–००१ ज ०८८० नम्बरको हाइस सडकबाट करिब पाँच सय मिटर तल भिरमा खसेको थियो। छठ पर्व मनाउन घर फर्किंदै गरेका यात्रु दुर्घटनामा परेका थिए।
मृत्यु हुनेहरू:
१. सुवेक यादव
२. शिक्षा यादव
३. दिपिका कुमारी यादव
४. सुवोध यादव
५. अनु राय यादव
६. रोहन यादव
७. राम दुलार राय यादव
८. गुड्ड राय यादव
९. गायत्री देवी यादव
१०. पुनम यादव
११. रवि शंकर कुमार मण्डल
दुर्घटनामा मृत्यु भएका थप ३ जनाको पहिचान खुल्न बाँकी छ।
घाइतेहरू:
१. मुकेश यादव
२. सक्षम कुमार यादव
३. देवेन्द्र यादव
४. सुजन यादव
५. देवेन्द्र राय यादव
६. सुदिप यादव
