काठमाडौं । पानी बिना मानिस बाँच्न सक्दैन किनकि यो शरीरको लागि आवश्यक छ । तिर्खा मेटाउनुको साथै, यसले शरीरलाई हाइड्रेटेड राख्न, पाचन सुधार गर्न, शरीरको तापक्रम नियन्त्रण गर्न र खाना पचाउन पनि मद्दत गर्दछ ।
दैनिक सही मात्रामा पानी नपिउँदा शरीरमा अनेक समस्याहरू निम्त्याउन सक्छ । तर पानी पिउनु पर्याप्त हुन्न । सही समयमा र सही तरिकाले पानी पिउनु उत्तिकै महत्त्वपूर्ण छ । धेरै मानिसहरू एकैचोटि धेरै पानी पिउँछन् वा तिर्खा नलागेसम्म पर्खन्छन्, जुन स्वस्थ बानी होइन । आजको यस लेखमा हामी पानी पिउने सही नियमहरूबारे कुराकानी गर्नेछौं, जसले तपाईंको स्वास्थ्यलाई राम्रो राख्न मद्दत गर्न सक्छ ।
बिहान उठ्ने बित्तिकै मनतातो पानी पिउने
बिहान खाली पेटमा एक वा दुई गिलास पानी पिउनाले शरीरले हाइड्रेशन पाउँछ र दिनको राम्रो सुरुवात हुन सक्छ । तपाईं हलुका मनतातो वा तातो पानी पिउन सक्नुहुन्छ । यसले अघिल्लो रातबाट शरीरमा जम्मा भएका अशुद्धताहरूलाई बाहिर निकाल्छ र तपाईंलाई लामो समयसम्म स्वस्थ राख्छ ।
पानी बिस्तारै पिउनुहोस्
एकैचोटि धेरै पानी पिउनुको सट्टा, दिनभरि थोरै मात्रामा पानी पिउनु राम्रो हुन्छ । यसले शरीरलाई पानीको राम्रो प्रयोग गर्न मद्दत गर्छ । त्यसकारण, एक गिलास एकैचोटि घुटघुट गरेर पिउनु हुन्न । बरु तीन चार सासमा यसलाई पिउनु राम्रो हुन्छ ।
बसेर पानी पिउने
उभिएर वा हिँड्दै पानी नपिउनुहोस् । यसले समस्या निम्त्याउन सक्छ । पहिलो त पानी पोखिन सक्छ । बसेर पानी पिउँदा पानी विस्तारै पेटमा पुग्छ पानी चिसो छ भने त झन् उभिएर पिउनै हुन्न ।
खाना खाएको १ घण्टा पछि पानी पिउनुहोस्
खाना खाए लगत्तै पानी पिउनु हुन्न । यसले पेट दुख्न सक्छ वा पाचनमा बाधा पु¥याउन पनि सक्छ । खाना खाएको १ घण्टा पछि पानी पिउन सक्नुहुन्छ । खाना खाए लगत्तै पानी पिउनु पर्यो भने निकै कम मात्रामा मात्रै पानी खानुहोस् ।
दिनभरि प्रत्येक घण्टा पानी पिउने
प्रत्येक व्यक्तिको पानीको आवश्यकता फरक फरक हुन्छ । तपाईंलाई चाहिने पानीको मात्रा तपाईंको उमेर, मौसम वा स्वास्थ्यमा निर्भर गर्दछ । यद्यपि, यो व्यक्ति अनुसार फरक हुन सक्छ । त्यसैले, तपाईंले दिनभरि प्रत्येक घण्टा थोरै पानी पिउनुपर्छ । यसले धेरै समस्याहरू समाधान गर्न मद्दत गर्न सक्छ ।
