सुदूरपश्चिममा अझै ३ दिन तातो हावा चल्ने

अत्तरिया – सुदूरपश्चिममा आगामी ३ दिन अझै तातो हावा चल्ने मौषम पूर्वानुमन महाशाखाले जनाएको छ । केही दिन यता गर्मी बढीरहेको अवस्थामा केही दिन अझै गर्मी हुने बताईएको हो ।

maya metro hospital

सुदूरपश्चिमसहित लुम्बिनीका केही स्थानमा बिगत केही दिनदेखि अधिकतम तापक्रम ४० डिग्री सेल्सियस वा सोभन्दा बढी मापन गरिएको महाशाखाले जनाएको छ । आगामी ३ दिनसम्म तराईका भेगमा तातो हावा तथा तातो लहरको सम्भावना रहेको महाशाखाको भनाई छ ।

गर्मीबाट बच्न आवश्यक तयारी गर्न पनि महाशाखाले अनुरोध गरेको छ । तातो हावा तथा तातो लहरबाट थकाई लाग्ने, कमजोरी हुने, बढी तिर्खा लाग्ने, टाउको दुख्ने, खुट्टा बाउँडिने, चक्कर आउने, बेहोस हुने, मांसपेशीहरू दुख्ने र बान्ता आदि हुनसक्ने महाशाखाको भनाइ छ । यसबाट बच्न बढी गर्मीको समयमा घरभित्र अर्थात् चिसो स्थानमा रहन, बाहिरी वातावरणमा बढी नजान र हल्का लुगा लगाउन महाशाखाले अनुरोध गरेको छ ।

attariya hospital

यस्तै, सुती कपडा लगाउन, बाहिर निस्कँदा टाउको छोप्न, टोपी लगाउन, नियमित (पटक–पटक) पानी तथा झोल पदार्थ (जुस, सर्वत, आदि) प्रशस्त मात्रामा पिउन र स्वास्थ्यमा समस्या भएमा स्वास्थ्यकर्मीसँग नियमित सम्पर्कमा रही थप सल्लाह सुझाव लिनसमेत महाशाखाले अनुरोध गरेको छ ।

प्रतिक्रिया दिनुहोस

Your email address will not be published.