अत्तरिया – माछापुच्छ्रे बैंकले कैलालीको गोदावरी नगरपालिका – ६ बडेहाँमा रहेको शैलेश्वरी माध्यमिक विद्यालयमा शौचालय निर्माण गरेको छ । बैंकले संस्थागत सामाजिक उत्तरदायित्व अन्र्तगत ८ वटा शैचालय निर्माण गरेर विहिबार विद्यालय व्यवस्थापन समितिलाई हस्तातरण गरेको हो ।
शौचालय हस्तान्तरण कार्यक्रममा बोल्दै प्रमुख अतिथि गोदावरी नगरपालिका – ६ का वडा अध्यक्ष जग्गु राम चौधरीले माछापुच्छ्रे बैंकले सरकारी विद्यालयलाई सहयोग गरेकोमा धन्यवाद व्यक्त गरे ।
कार्यक्रममा बोल्दै माछापुच्छ्रे बैंकका महाप्रबन्धक प्रसिद्ध राज अर्यालले बैंकले आफ्नो विद्यालय संचालनका लागि अति आवश्यक पर्ने शौचालयको असुविधाका कारण पठनपाठनमा समेत समस्या भईरहेको जानकारी पाए पश्चात शौचालय निर्माण गरिएको बताए ।
कार्यक्रममा बोल्दै विद्यालय व्यवस्थापन समितिका अध्यक्ष खगराज पाठकले बैंकले विद्यालयप्रति गरेको सामाजिक कार्यको सराहना गरे ।
१ हजार ८ सय भन्दा बढि विद्यार्थी र ३५ जना शिक्षक/कर्मचारी कार्यरत रहेको शैलेश्वरी माध्यमिक विद्यालयमा बैंकले ८ वटा शौचालय तथा सेफ्टी ट्याङ्कीको निर्माण गरेको हो । बैंकले निर्माण गरेका ८ वटा शौचालयहरु मध्ये २ वटा विद्यालयका कर्मचारी, ३ वटा महिला तथा ३ वटा पुरुष विद्यार्थीले गरिने जनाइएको छ ।
बैंकले आफ्नो संस्थागत सामाजिक उत्तरदायित्व अन्तर्गत देशका विभिन्न स्थानहरुमा विभिन्न संघसंस्थाहरुसंग मिलेर स्वास्थ्य, शिक्षा, पूर्वाधार निर्माण, वित्तिय साक्षरता, दिगो विकास लगायतका क्षेत्रहरुमा काम गर्दै आएको छ ।
