काठमाडौं –अस्पतालको टिकट काट्ने लाइनमा बसेका एक युवकको मृत्यु भएको छ । पूर्वी चितवनको बकुलहर रत्ननगर अस्पतालमा बहिरंग सेवाको टिकट काट्न लाइनमा बसेका जीवनबाबु थापामगरको आइतबार बिहान मृत्यु भएको हो ।
उनी आफ्नै मुटुको जाँचका लागि टिकट काट्न लाइनमा बसेका थिए । रत्ननगर नगरपालिका ३ लौरीघोलका ३४ वर्षीय थापामगर लाइनमा बसेका बेला अचानक ढलेका थिए ।
त्यसपछि तत्कालै अस्पतालको आकस्मिक कक्षमा लगेर उपचार गराउँदा मृत्यु भएको अस्पतालले जानकारी दिएको छ ।
